Egy youth

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى شبااااااااااااب مصر


3 مشترك

    انا عايزة اطلع رقاصة !!!!!

    نور
    نور


    عدد المساهمات : 10
    السٌّمعَة : 0
    تاريخ التسجيل : 01/09/2009

    انا عايزة اطلع رقاصة !!!!! Empty انا عايزة اطلع رقاصة !!!!!

    مُساهمة من طرف نور الجمعة سبتمبر 04, 2009 7:29 pm

    حبيتك و احنا في سنة اولى
    بامارة ما طلعتي الاولى
    و في تانية لقيت قلبي ارتاحلك
    و في تالتة بدأت ألمحلك
    و في رابعة لقيتك مشغولة


    عادي
    أغنية سخيفة من أغاني اليومين دول اللي بيتفننوا انهم يلاقولها موضوعات غريبة

    بس العجيب في الموضوع بقى إن الاغنية دي اغنية اطفال

    و إن المعذب اللي حبيبته طنشته و طلعت مشغولة بغيره هو في الحقيقة مطرب طفل

    و إن سنة أولى اللي بيتكلم عليها هي - بالتأكيد - سنة اولى ابتدائي


    الحقيقة ان ولادنا الصغيرين بقوا محاصرين بالاغاني و الافلام و اللي هما تقريبا مش بيشوفوا غيرها قدامهم و بيحاولوا يقلدوها على اعتبار إني عايز ابقى عمو الكبير ده

    خصوصا لما يلاقوا اهلايهم فرحانين بده و بيشجعوهم و يسقفولهم

    و نتيجة ده ايه ؟؟
    انك تلاقي مثلا عيل في ابتدائي و عنده جيرل فريند .... و بنت ماطلعتش م البيضة تلاقيها بتقولك انا بحب فلان زميلي في الفصل

    و عشان ماحدش يقول اني بابالغ حاحكيلم قصيتن حدثوا بالفعل و العهدة على الراوي



    الاولى
    .
    .
    .
    المدرس بتاعي في ثانوي قالي انه في مرة كان داخل فصل ابتدائي حصة احتياطي .
    فكان واخد معاه حلويات عشان يعمل مسابقة و يدي هدايا للولاد و كدة
    .
    فبعد ما خلص لقى ولدين بيتخانقوا.
    فيه ايه يا عم .
    يا مستر اصله عايز ياخد مني المسطرة بتاعتي عشان زرقة زي بتاعة فلانة . اصله بيحبها ... !!!

    التانية
    .
    .
    .

    لما احد الامهات بتدور في كراسات ابنها
    اللي في ابتدائي برضة بالمناسبة
    عشان تشوف الواجبات .
    لقت الكراسة مليانة قلوب و بحبك يا بودي .
    طبعا بعد ما استفسرت من بودي عرفت إن اللي كاتبة الكلام ده هي البنوتة الامورة زميلته في الفصل !!!

    افتكر إن اصلا الاطفال في السن ده مابيبقوش مدركين معنى الكلام ده أصلاً .
    هما بيقلدوا اللي بيشوفوه و اللي الكبار بيوجهوهم ليه .

    زي مثلاً فرق الاطفال اللي طلعت اليومين اللي فاتوا اللي بيلبسوا فيها البنات لبس مش عارف ايه و يحطولهم ميك اب _ بيبقى شكلهم سخيف اصلاً _ و يخلوهم هما و الولاد يطلعوا يغنوا و يرقصوا .

    و كل ما البنوتة ترقص احسن تحس ان اللي حواليها فرحانين بيها اكتر .

    كان شيء طبيعي لده الموضوع اللي قريته في مجلة ماجد - أيوة باقرا مجلة ماجد فيه حاجة - لما كان فيه برنامج اطفال و المذيعة بتسأل البنوتة نفسك تطلعي ايه لما تكبري ... فردت بكل براءة : رقاصة !!!

    طبيعي يكون كدة و هما دول اللي القدوة اللي شافتهم من ساعة ما بدأت تفهم .
    و دي الحاجة اللي اهلها كانوا بيبقوا فرحانين قوي و هي بتعملها و يسقفولها عليها .

    نفس الشيء بنكرره في حاجات كتير ... الاغاني ... الافلام .

    عندي واحد قريبي مثلا عنده بنوتة عندها حوالى 3 سنين يا دوب بتتكلم .

    و كان طبيعي و هية بتتعلم أول الكلمات اللي حتواجه بيها الحياة إن يكون ضمنهم الكلمة اللي قلبت العالم العربي من المحيط إلى الخليج : أطبطب ؟؟

    و طبعا الاهل و الاصحاب فرحانين بيها و بيسقفولها .

    اللي عايزة أقوله أن الاباء و الامهات بييجوا بعد كدة عايزين يمشوا حياة ولادهم بطريقة معينة و عايزينهم يبقوا كويسين و يهتموا بالاخلاق .

    بس ماعتقدش الموضوع ده حيبقى سهل أبداً على طفل و طفلة فتجحوا عنيهم لقوا قدوتهم نانسي و أخواتها

    و شافوا في الافلام إن فيه حاجات كتير عادي و مافيهاش مشاكل .
    جايين بعد ما بقوا مراهقين بتقولولهم عيب و حرام ؟؟
    طب كان فين من بدري .

    و عليه ماحدش يستغرب لو اكتشف إن اخته اللي في حضانة بتحب زميلها و نفسها تطلع زي نانسي عجرم .
    او ان اخوه اللي في اعدادي بيفكر يتجوز عرفي cheers cheers
    Admin
    Admin
    Admin


    عدد المساهمات : 166
    السٌّمعَة : 0
    تاريخ التسجيل : 29/08/2009

    انا عايزة اطلع رقاصة !!!!! Empty رد: انا عايزة اطلع رقاصة !!!!!

    مُساهمة من طرف Admin السبت سبتمبر 05, 2009 5:31 am

    هههههههه

    شكرا على الموضوع Very Happy
    Mistermoudy
    Mistermoudy


    عدد المساهمات : 25
    السٌّمعَة : 0
    تاريخ التسجيل : 30/08/2009
    العمر : 28

    انا عايزة اطلع رقاصة !!!!! Empty رد: انا عايزة اطلع رقاصة !!!!!

    مُساهمة من طرف Mistermoudy الخميس أكتوبر 15, 2009 4:43 am

    شكرا وفى انتظار المزيد انا عايزة اطلع رقاصة !!!!! 89466

      الوقت/التاريخ الآن هو الخميس مايو 16, 2024 9:13 pm